不愛寫碟評，想不到一連寫兩篇，因為今次實在忍無可忍。
我已經記不起近年有多少次，很想買一隻CD，入到唱片舖，看到，拿起，猶豫，然後放低，放棄。
今次是許志安的《自導自演》。
從不付錢前先試聽。要買就買，好與壞，只向自己交代；又不是做人世，最大代價只是一百幾十。亦不信用幾十分鐘試聽，會聽得出真味。
放棄只得一個理由：我是買歌買碟，不是買包裝！你們可不可簡單點呀？！不是說做唱片很難賺錢嗎？仲嘥？錢是難賺的，我不想買多幾個櫃，用嚟放岩岩蠶蠶嘅CD！
記得我為咗唔想買無謂嘅豪華版，足足等咗半年，先買一將平裝版；那是五碟裝的陳百強無敵精選；不是每個歌手都有陳百強的魅力。像李克勤那張，一次放棄了，便再沒有購買的動力。
要唱片賣得，easy opening 比 easy listening 更加重要。包到天花龍鳳，開又難，收又難，keep仲難。就係因為唔同size嘅包裝，攪到要周圍搵位放。呢幾年，因為咁，不知唔見幾多CD！你們仲未明？！依家啲歌不再放在盒裡，是在Ipod裡！你有幾何見到外語CD包到鬼五馬六吖？！
曾經有一位做Album Design嘅朋友講過，唱片公司給他的指令是：做一個賣到碟嘅Design！
香港唱片的沒落是有蹟可尋。
等了半年才有平裝版的《完全．陳百強》
喪失了衝動再買的 《No. 1 Hits Hacken Lee》
用了我差不多十分鐘先取出CD的《HKPO Teresa Carpio》
張智霖的《多謝關心》應是豪包的始祖之一，實物為兩盒CD平放般大；因有歷史，仍在CD櫃。
No comments:
Post a Comment