水蒸氣（意：激氣的氣）

今日起身沖涼，臨尾階段，水壓竟然驟降，心知不妙，拿拿淋埋尾。

事後，移到洗手盤洗面，水喉真的「無水」。

「無水」- 見怪不怪，皆因近幾年長期處於如斯狀態。

但屋企無水，有點奇怪！又不是雷曼兄弟，怎的一下子，完全缺水？大澳嘅朋友，可不可借啲嚟用，琴日見到你哋個個成屋都係。

看電視，見到手持迷你債卷的苦主，你點估到佢個樣會有幾百萬身家。而且只係放喺債卷嗰道，其他地方未計！

呢個時期，邊道有水邊道冇水，邊個知道？

我不是早早說過，銀行的真正作用「不是累積財富，而是累積人龍」嗎？

人云亦云，東亞執笠？！人哋有400億資產，蝕嗰區區4億雷曼債券，還有396億淨！99％呀！你個仔考試有99%，你笑都嚟唔切啦。

都好，當琴日幾百人打緊蛇餅嘅時候，我就有如有幾千萬存款嘅尊貴客戶咁，大搖大擺咁行入銀行 -- 哈哈，因為我「雪中送炭」地走去入票。

本想放一張年初我在Lehman Brothers門口影的照片作結，畢竟這現也被視作世界違產，但自從上次電腦Hard Disk重置之後，有些相片和Lehman Brothers的資產一樣，同時人間蒸發。消失得無影無綜。